site stats
बाह्रखरी :: Baahrakhari
देश
Global Ime bankGlobal Ime bank
पीसीएल नर्सको लाइसेन्स परीक्षामा १९ प्रतिशत परीक्षार्थी मात्र उत्तीर्ण 

काठमाडौं । नेपाल नर्सिङ परिषद्ले लिएको पछिल्लो लाइसेन्स परीक्षामा पीसीएलतर्फ १९.३४ प्रतिशत परीक्षार्थी मात्र उत्तीर्ण भएका छन् । शनिबार लिइएको परीक्षामा सहभागी एक हजार २७० मध्ये २४६ जना मात्र उत्तीर्ण भएको परिषद्ले जनाएको छ ।

बीएस्सी नर्सिङतर्फको परीक्षामा भने ४९.३ प्रतिशत परीक्षार्थी उत्तीर्ण भएका छन् । परीक्षामा सहभागी ४१४ मध्ये २०३ जना उत्तीर्ण भएका हुन् ।

पीसीएल र बीएस्सी दुवै तहको नतिजा योपटक खस्किएको परिषद्की रजिस्ट्रार शुक्ला खनाल बताउँछिन् । “योपटक पीसीएलको रिजल्ट हेरेर हामी नै छक्क परेका छौँ । गुणस्तरीय जनशक्ति कम उत्पादन भएको हाम्रो बुझाइ छ,” उनले बाह्रखरीसँग भनिन् ।

बीएस्सी नर्सिङको नतिजाबाट पनि परिषद् सन्तुष्ट नभएको रजिस्ट्रार खनाल बताउँछिन् । सो तहमा ८० देखि ९० प्रतिशत नर्स उत्तीर्ण हुँदै आएकामा पछिल्लोपटक नतिजा निराशाजनक रहेको उनको भनाइ छ ।

नर्सिङका दुई कार्यक्रममा यसअघि परिषद्ले लिएको लाइसेन्स परीक्षामा नर्सिङतर्फ ८८.५९ र मिडवाइफ्रीतर्फ ९० प्रतिशत परीक्षार्थी उत्तीर्ण भएका थिए ।

प्रकाशित मिति: आइतबार, मंसिर १०, २०८०  १२:४०
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro