काठमाडौं । चालु आर्थिक वर्ष २०८०/०८१ को चार महिना (साउन, भदौ, असोज र कात्तिक)मा २७ सयभन्दा बढी विद्युतीय गाडी (ईभी) नेपाल भित्रिएका छन् ।

भन्सार विभागका अनुसार चार महिनामा ६ अर्ब ८३ करोड २७ लाख ५० हजार रुपैयाँ बराबरका दुई हजार ७८७ ईभी नेपाल भित्रिएका हुन् ।

यसबाट सरकारले दुई अर्ब ९६ करोड रुपैयाँभन्दा बढी राजस्व संकलन गरेको छ । चार महिनामा ५० किलोवाट क्षमतासम्मका एक हजार २७९ र ५१ देखि १०० किलोवाट क्षमताका एक हजार ४८१ ईभी नेपाल भित्रिएका छन् ।

यस्तै, २०० किलोवाट क्षमताका १७ र त्यसभन्दा माथिका १० बिजुली गाडी नेपाल भित्रिएका छन् ।