site stats
बाह्रखरी :: Baahrakhari
देश
Global Ime bankGlobal Ime bank
महोत्तरीमा प्रहरीले किन चलायो गोली ?
प्रतीकात्मक तस्बिर

काठमाडौं । महोत्तरीमा प्रहरीले भाग्न खोज्ने दुई डाँका आरोपीलाई गोली चलाएर नियन्त्रणमा लिएको छ । पक्राउ परेपछि भाग्ने प्रयास गरेका उनीहरूलाई गोली चलाएर नियन्त्रणमा लिइएको डीएसपी दिलीप गिरीले जानकारी दिए ।  

“डाका मुद्दामा फरार रहेका सर्लाहीको लालबन्दी नगरपालिका २ पुनरबास बस्ने ३३ वर्षीय शक्तिकुमार पासवान र सोही ठाउँ बस्ने ३५ वर्षका अजय पासवानको खोजी जारी थियो । रौतहटको गरुडा नगरपालिका ४ मा लुकेर बसेको थाहा भएपछि महोत्तरीबाट मेरो नेतृत्वमा विशेष टोली खटियो,” डीएसपी दिलीपले बाह्रखरीसँग भने, “उनीहरूलाई हामीले दिउँसो ३ बजे नियन्त्रणमा लियौँ । सर्लाहीको संग्रामपुरमा आएपछि हाम्रो गाडी बिग्रियो । सर्लाही प्रहरीको गाडी बोलाएर त्यसमा सार्ने क्रममा उनीहरू भागेपछि हामीले नियन्त्रणमा लिन गोली चलाउनु परेको थियो ।” 

शक्तिलाई दुईवटा र अजयलाई एउटा गोली लागेको छ । डीएसपी दिलीपका अनुसार उनीहरूलाई गोली थाई, पिडुँला र घुँडामा गाली लागेको छ । उनीहरू दुवैको उपचार जलेश्वर प्रादेशिक अस्पतालमा भइरहेको छ । दुवैको अवस्था खतरामुक्त छ ।

“उनीहरूले महोत्तरीको डाँगी र जलेश्वर, धनुषाको महेन्द्रनगर, रौतहटको चन्द्रनिगाहपुर र इन्डियामा पनि डाँका गरेका थिए,” उनले भने, “त्यसअघि ११ डाँका मुद्दामा संलग्न भएको पाइएको छ ।” 

उनीहरूको साथबाट एउटा पेस्तोल र चार राउन्ड गोली बरामद भएको छ । 

प्रकाशित मिति: बुधबार, कात्तिक २९, २०८०  ०८:४२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro