काठमाडौं । इजरायलका रक्षामन्त्री योभ गालान्टले आफ्नो सेना गाजा सहरको मुख्य केन्द्र ‘मुटु’मा पुगेको बताएका छन् । 

गालान्टले स्थल, हवाई र समुद्री सेनाको समन्वयमा इजरायली रक्षा बल उत्तर र दक्षिणबाट गाजाभित्र छिरेको बताएका हुन् ।

विश्व स्वास्थ्य संगठनले इजरायल र हमासबीचको युद्धमा मृत्यु र पीडा असह्य भएको बताएको छ । संयुक्त राष्ट्रसंघीय एजेन्सीका प्रवक्ताले गाजामा दैनिक १६० बालबालिकाले ज्यान गुमाइरहेको बताएका छन् ।

इजरायलको रक्षा बलले उत्तरी गाजामा रहेको हमासको गढलाई नियन्त्रणमा लिएको बताएको छ।

अक्टोबर ७ मा हमासले गरेको हमलामा गाजामा १० हजार ३०० भन्दा बढीको ज्यान गएको छ । जसमा चार हजार १०० भन्दा बढी बालबालिका रहेको बताइएको छ । इजरायलमा हमासको आक्रमणमा करिब एक हजार ४०० नागरिकको ज्यान गएको छ ।