काठमाडौं । नेपाल भ्रमणमा रहेका संयुक्त राष्ट्रसंघका महासचिव एन्टोनियो गुटेरेसले इजरायलमा मारिएका १० नेपालीको परिवारप्रति समवेदना प्रकट गरेका छन् ।

मंगलबार संसद्को दुवै सदनालाई सम्बोधन गर्ने क्रममा उनले समवेदना प्रकट गरेका हुन् ।

“हमासको आतंकवादी आक्रमणमा परी इजरायलमा मृत्यु भएका १० जना नेपाली विद्यार्थीको परिवारमा म हार्दिक समवेदन प्रकट गर्न चाहन्छु,” उनले भने ।

उनले हमासको आक्रमणमा परी बेपत्ता भएका नेपाली विद्यार्थी विपीन जोशीको सुरक्षित फिर्तिको कामना समेत गरेका छन् ।