काठमाडौं । नेपाली महिला टेनिस टोलीले बिली जिन किङ कपअन्तर्गत एसियारओसिएना ग्रुप ३ को प्रतियोगितामा बिहीबार लगातार दोस्रो जित हात पारेको छ ।

नेपालले टिम इभेन्टमा ब्रुनइलाई ३–० ले पराजित गर्‍यो । पहिलो दिन नेपालले ताजाकिस्तानलाई पनि ३–० ले नै हराएको थियो ।

पहिलो सिंगल्समा नेपालकी सुनिरा थापाले मिङ रुइ चोङलाई ६–० र ६–१ तथा दोश्रो सिंगल्समा नेपालकी अभिलाषा विष्टले जिया हुइ तानलाई ६–० र ६–० कै सोझो सेटमा पाखा लगाए ।

डबल्समा नेपालका अभिलाषा र माहिका राणाको जोडीले  मिङ र एड्रियना सिमको जोडीलाई सीधा सेटमा ६–० र –० ले पन्छाए । समूह चरणको अन्तिम खेलमा नेपालले शुक्रबार कतारसँग खेल्ने छ ।