काठमाडौं । नेकपा (एमाले)का अध्यक्ष केपी शर्मा ओलीले महान पुर्खाको सन्तानलाई हत्तपत्त कसैले हेप्न नचाहने बताएका छन् । राष्ट्रिय भूतपूर्व सैनिक तथा प्रहरी संगठनको कार्यक्रममा उनले नेपालीसँग वीरता र मुर्खता रहेको बताए ।

“यो नेपाली हो भनेपछि हत्तपत्त हेप्न चाहँदैन । किनभने मुर्ख–मुर्ख छ है भनेर । हामीसँग वीरता पनि छ । हामीसँग दुईवटा कुरा छ । वीरता पनि छ, त्यसैसँगै मिसिएको मुर्खता छ । त्यसै कारण अंग्रेजसँग हार्छौंँ,” उनले भने, “उसले आइजो भन्छ, उसको सेनामा अन्यत्र गएर लड्न थाल्छौँ । अलिअलि मुर्खता झल्किन्छ । कसका विरुद्ध किन लड्ने भन्ने थाहा नभएको देखिन्छ ।”

उनले पूर्वजहरुको विद्वता र वीरताले हामीलाई चिनाएको बताए । उनले विविधतामा एकता खोज्नुपर्ने बताए । विविधतालाई विभेदको विषय बनाउन नहुने उनको भनाइ छ ।