काठमाडौं । इजरायलमा हमासको आक्रमणपछि सम्पर्कविहीन रहेका नेपालका विपीन जोशीको अवस्था अझै अज्ञात रहेको छ । 

आज एक विज्ञप्तिमार्फत इजरायलस्थित नेपाली दूतावासले उनको खोजीकार्य तीव्र पारिएको जानकारी दिएको छ । 

दूतावासका अनुसार आक्रमणमा परी घाइते भएका चारजनामध्ये दुईजना अस्पतालबाट डिस्चार्ज भएका छन् । उनीहरूमध्ये एकजना नेपाल आइसकेका छन् । अर्का एकजना दूतावासको हेरचाहमा छन् । दुईजना अझै अस्पतालमा उपचाररत रहेको जनाइएको छ ।

असोज २० गते हमासले एक्कासि आक्रमण गरेपछि १० नेपाली विद्यार्थीको ज्यान गएको थियो ।