काठमाडौं । इजरायलबाट फर्केका विद्यार्थीले प्रधानमन्त्री पुष्पकमल दाहाल ‘प्रचण्ड’लाई आइतबार ज्ञापनपत्र बुझाएका छन् । प्रधानमन्त्रीका स्वकीयसचिव रमेश मल्लमार्फत ज्ञापनपत्र बुझाइएको हो ।

“तीनवटा माग राखी हामीले प्रधानमन्त्रीन्यूलाई आज ज्ञापनपत्र बुझाएका छौँ,” इजरायलबाट फर्केका विद्यार्थी विपीन सुवेदीले बाह्रखरीसँग भने ।

ज्ञापनपत्रमा उनीहरूले प्यालेस्टाइनी लडाकु समूह हमासले इजरायलमा आक्रमण गरेपछि सम्पर्कविहीन भएका विपीन जोशीको छिटोभन्दा छिटो खोजी गरी नेपाल फर्काउन अनुरोध गरेका छन् ।

उनीहरूले हमासको आक्रमणका परी मारिएका १० नेपाली विद्यार्थीको शव छिटो नेपाल ल्याएर परिवारलाई बुझाउन समेत अनुरोध गरेका छन् ।

हमासको आक्रमणमा परी घाइते भएर नेपाल फर्केका धनबहादुर चौधरीको उपचारमा सहयोग गर्न पनि उनीहरूले सरकारसँग अनुरोध गरेका छन् ।