काठमाडौं । जनता समाजवादी पार्टी नेपालका प्रमुख सचेतक प्रदीप यादवले धेरै प्रदेशमा केही तत्वहरुले ग्रान्ड डिजाइनम प्रदेश खारेज गर्नुपर्छ भनेर जुलुस निकालेको आरोप लगाएका छन् ।

आइतबारको प्रतिनिधिसभा बैठकमा बोल्दै उनले संघीयता कसैको आर्शिवाद, हुकुमबक्सिसमा नआएको भन्दै नेपाली जनताको बलिदानीले र खुन पसिनाले आएको बताए । उनले केन्द्रले संघीयता बलियो बनाउन नचाहेको पनि बताए ।

“यसलाई मजबुत बनाउने सरकारको काम हो । सबै शक्ति माथि राख्ने, प्रदेशलाई नदिने अनि कसरी हुन्छ ? सरकार बदनाम हुन्छ नै । अघिल्लो सरकार पनि त्यही, अहिलेको सरकार पनि त्यही बाटोमा छ,” उनले भने ।

संघमा प्रहरी प्रशासन राखेर संघीयता बलियो नहुने भनाइ उनको थियो ।