काठमाडौं । आईसीसी एकदिवसीय विश्वकपको आफ्नो पहिलो खेलमा घरेलु टिम भारतले अस्ट्रेलियाविरुद्ध पहिले फिल्डिङ गर्ने भएको छ ।

चेन्नाईस्थित एमए चिदम्बरम रंगशालामा भएको टस जितेर अस्ट्रेलियाका कप्तान प्याट कुमिन्सले ब्याटिङको निर्णय गरे । घरेलु टिमलाई फिल्डिङको निम्तो दिए ।

यही अक्टोबर ५ देखि सुरु भएको प्रतियोगितामा दुवै टिमको यो पहिलो खेल हो । यो संस्करणमा १० टिमको सहभागिता छ । योपटक भारत, अस्ट्रेलियासँगै इंग्ल्यान्ड, न्युजिल्यान्ड, पाकिस्तान, अफगानिस्तान, बंगलादेश, श्रीलंका, दक्षिण अफ्रिका र नेदरल्यान्ड्सले प्रतिस्पर्धा गर्दै छन् ।