site stats
बाह्रखरी :: Baahrakhari
बाह्रखरी फोटो
Global Ime bankGlobal Ime bank
Nabil Bank Banner adNabil Bank Banner ad
इजरायलमा यस्तो छ स्थिति (१३ तस्बिर)

एस्केलोन (इजरायल) । प्यालेस्टाइनी लडाकुले गाजापट्टीबाट हवाई, समुद्र र स्थलमार्ग हुँदै इजरायलविरुद्ध ‘युद्ध’ सुरु गरेका र आक्रमणमा कम्तीमा २२ जनाको मृत्यु भएको शनिबार इजरायली अधिकारीहरूले बताएका छन् ।

इजरायली चिकित्सकले २२ जनाको मृत्यु भएको पुष्टि गरेका छन् । घटनामा दर्जनौँ व्यक्ति घाइते भएका इजरायली सञ्चारमाध्यमले जनाएका छन् ।

इजरायली प्रधानमन्त्री बेन्जामिन नेतन्याहूले ‘आफूहरू युद्धमा रहेको’ भन्दै कडा प्रतिकारको चेतावनी दिएका छन् । उनले भने, “यो आक्रमणका लागि शत्रुले अनपेक्षित मूल्य चुकाउनुपर्नेछ ।”

गाजापट्टीलाई नियन्त्रण गर्ने इरान समर्थित हमासले एक भिडियो जारी गरेको छ, जसमा उसका लडाकुले सादा पोसाकमा सजिएका तीनजनालाई समातेका छन् । भिडियो क्याप्सनमा ‘शत्रु सैनिक’का रूपमा वर्णन गरिएको छ ।

हमासको सशस्त्र शाखा इजेदिन अल–कासम ब्रिगेडले भनेको छ, “हामीले इजरायलद्वारा कब्जा गरिएका सबै अपराध अन्त्य गर्ने निर्णय गर्‍यौँ । जवाफदेही नबनाई विद्रोह गर्ने उनीहरूको समय सकिएको छ । हामीले ‘अपरेसन अल अक्सा फ्लड’को घोषणा गर्‍यौँ र हामीले २० मिनेटको पहिलो आक्रमणमा पाँच हजारभन्दा बढी रकेट प्रहार गर्‍यौँ ।”

इजरायली सेनाले प्यालेस्टिनी लडाकुसँग गाजापट्टीनजिकका विभिन्न स्थानमा लडिरहेको जनाएको छ । सेनाले प्रतिरक्ष कारबाहीलाई ‘फलामको तरवार’ नाम दिएको छ । सेनाका प्रवक्ता रिचार्ड हेक्टका अनुसार लडाकुले प्याराग्लाइडर, समुद्र र जमिनबाट संयुक्त रूपमा आक्रमण गरेका थिए ।

सामाजिक सञ्जालमा आएका अपुष्ट भिडियोमा सेनाको पोसाक लगाएका कैयौँ व्यक्तिको शव देखिएको छ । राजमार्गमा पनि मृत्यु भएका सवारीचालक र यात्रीको शव देखिएको छ ।

आफ्नो घरमा आतंककारीले गोली हानेर सुरक्षित कोठाभित्र पस्न खोजेपछि एक महिलाले ‘कृपया सहयोग पठाउनुहोस्’ भनी बिन्ती गरेकी थिइन् ।

सन् २००७ मा हमासले कब्जा जमाएपछि २३ लाख मानिसको बसोबास रहेको गाजामा आतंककारीको घुसपैठ विरलै भएको छ । गाजालाई इजरायलबाट सैन्यीकृत सीमा अवरोधद्वारा बन्द गरिएको छ । रासस/एएफपी

थप तस्बिर हेर्नोस्–

i13-1696692730.jpg

i11-1696692729.jpg

i12-1696692729.jpg

i9-1696692728.jpg

i4-1696692727.jpg

i5-1696692727.jpg

i1-1696692726.jpg

i2-1696692726.jpg

i3-1696692726.jpg

ii3-1696693255.jpg

ii1-1696693254.jpg

ii2-1696693254.jpg

 

 

NIBLNIBL
प्रकाशित मिति: शनिबार, असोज २०, २०८०  २१:१८
worldlinkworldlink
प्रतिक्रिया दिनुहोस्
national life insurance newnational life insurance new
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro