काठमाडौं । बझाङमा मंगलबार दिउँसो भूकम्प जाँदा एकजना घाइते भएका छन् । मष्टा गाउँपालिका–१ मा एकजना घाइते भएका बझाङका प्रमुख जिल्ला अधिकारी नारायण पाण्डेयले जानकारी दिए ।

• बझाङमा २६ मिनेटको अन्तरमा गयो दुई ठूला भूकम्प, काठमाडौंसम्म हल्लायो

घरमाथिको ड्रम खसेर ती व्यक्ति घाइते भएका उनले बताए । बझाङमा केही स्थानमा घरहरू चर्किएका सूचना प्राप्त भएको उनले उल्लेख गरे । थप सूचना संकलन गर्ने कार्य जारी रहेको उनले बताए ।

यस्तै, भूकम्पपछि जयपृथ्वी नगरपालिका–७, कचलीखोला भन्ने स्थानमा पहिरो खसेर बाटो अवरुद्ध भएको उनले बाह्रखरीलाई जानकारी दिए ।

सडक खुलाउनका लागि सुरक्षा संयन्त्र तयारी अवस्थामा रहेको उनले बताए । तर, सानातिना धक्का महसुस भइरहेकाले तत्काल त्यसतर्फ ‘मुभ’ नभएको उनको भनाइ छ ।

• बझाङ भूकम्पपछि पहिरो खसेर बाटो अवरुद्ध

भूकम्पपछि अहिलेसम्म मानवीय र भौतिक क्षतिको अरू विवरण प्राप्त नभएको उनले बताए ।

• बझाङमा फेरि ४.१ म्याग्निच्युडको धक्का