काठमाडौं । भोजपुरमा बलात्कारको आरोपमा एक वृद्ध पक्राउ परेका छन् । भोजपुर नगरपालिका–३, दावारबे टोलका ७२ वर्षीय मानबहादुर श्रेष्ठलाई शनिबार दिउँसो प्रहरीले नियन्त्रणमा लिएको हो ।

१४ वर्षीया एक बालिकाको बलात्कार गरेको आरोपमा उनलाई पक्राउ गरिएको प्रहरीले जनाएको छ ।

गएको वैशाख १२ गते ती बालिकालाई विभिन्न प्रलोभन देखाई श्रेष्ठले बलात्कार गरेको आरोप छ । बलात्कारबाट गर्भ रहेको उजुरीपछि प्रहरीले उनलाई पक्राउ गरेको हो । घटनाबारे थप अनुसन्धान गरिरहेको प्रहरीले जनाएको छ ।