site stats
बाह्रखरी :: Baahrakhari
विदेश
Global Ime bankGlobal Ime bank
Nabil Bank Banner adNabil Bank Banner ad
अष्ट्रेलियाले पनि उठायो प्रश्न, भन्यो– क्यानडामा भएको हत्यामा भारतको संलग्नता ‘चिन्ताजनक’ 
Tiktok banner adTiktok banner ad

न्यूयोर्क । अष्ट्रेलियाकी विदेशमन्त्री पेनी वोंगले क्यानडामा भएको हत्यामा भारतको संलग्नता हुनु ‘चिन्ताजनक’ विषय भएको बताएकी छन् । 

संयुक्त राष्ट्रसंघको महासभामा सहभागी हुन अमेरिकाको न्यूयोर्क पुगेकी उनले मिडियाँहरूसँग कुराकानी गर्दै उक्त कुरा बताएकी हुन् । 

“अहिले घटनाको अनुसन्धान चलिरहेको छ,” वोंगले भनिन्, “तर यो रिपोर्ट चिन्ताजनक छ । हामी हाम्रा सहयोगीसँगै यो घटनालाई नजिकबाट नियालिरहेका छौँ ।” 

क्यानडाका प्रधानमन्त्री जस्टिन ट्रुडोले क्यानडाको संसद्‌मा ब्रिटिस कोलम्बियामा भएको एकजना शिखको हत्यामा भारतको संलग्न रहेको बताएका थिए । उनले भारतले क्यानडाको संप्रभुताको सम्मान नगरेको र अन्तर्राष्ट्रिय कानुनको उल्लंघन गरेको आरोप लगाएका थिए ।

“कुनै पनि देशको संप्रभुताको सम्मान गर्नुपर्छ भन्ने अष्ट्रेलियाको मान्यता छ । कानुनी शासनको सम्मान हुनुपर्छ भन्ने हाम्रो विश्वास हो,” अष्ट्रेलियाकी विदेशमन्त्रीले भनिन् । 

सोमबार क्यानडाका प्रधानमन्त्रीले हरदीप सिंह निज्जरको हत्यामा भारत सरकारको संलग्नता रहेको बताएपछि क्यानडाको विदेश मन्त्रालयले एक भारतीय कूटनीतिज्ञलाई देशबाट निष्कासन गरेको थियो । 

बदलामा भारतले पनि नयाँदिल्लीमा रहेका एकजना क्यानडाका कूटनीतिज्ञलाई भारतबाट निष्कासित गर्ने घोषणा गरेको थियो । 

भारत सरकारले क्यानडाका प्रधानमन्त्रीले लगाएको आरोप अस्वीकार गरेको छ ।

NIBLNIBL
प्रकाशित मिति: बुधबार, असोज ३, २०८०  १२:१२
worldlinkworldlink
प्रतिक्रिया दिनुहोस्
national life insurance newnational life insurance new
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro