काठमाडौं । ब्रिजवाटर इन्टरनेसनल कलेजले (सिनामंगल)ले मुलुकका विभिन्न क्षेत्रमा योगदान गरेका तीनजनालाई अभिनन्दन गरेको छ ।  आफ्नो वार्षिक स्वागत तथा बिदाइ कार्यक्रमको सन्दर्भ पारेर कलेजले अभिनन्दन गरेको हो ।

कलेजले शिक्षाविद् प्राडा विद्यानाथ कोइराला, पत्रकार टीकाराम यात्री र गरिमा विकास बैंकका मुख्य कार्यकारी अधिकृत गोविन्द ढकाललाई अभिनन्दन गरेको हो । 

सांसद गगन थापाको प्रमुख आतिथ्यतामा राष्ट्रिय नाचघर जमलमा सम्पन्न अभिनन्दन समारोह ब्रिजवाटर कलेजले यस वर्षदेखि थालनी गरेको हो ।

थापाले ब्रिजवाटर कलेजले राष्ट्र गौरव व्यक्तित्वलाई अभिनन्दनको थालनी गरेर समस्त शैक्षिक जगतमा उच्च कोटीको सन्देश प्रवाह गरेको बताए ।