काठमाडौं । दाङको तुलसीपुर उपमहानगरपालिका–६ मा आइतबार फोर्स गाडीको ठक्करबाट अटोमा सवार एक बालकको मृत्यु भएको छ । 

दुर्घटनामा गम्भीर घाइते भएका दाङको तुलसीपुर उपमहानगरपालिका–१६ का १३ वर्षीय दामोदर भण्डारीको प्रादेशिक अस्पताल तुलसीपुरमा मृत्यु भएको प्रहरीले जानकारी दिएको छ । 

दुर्घटनामा घाइते भएका अटो चालकसहित चारजनाको सोही अस्पतालमै उपचार भइरहेको छ । 

लु २ ख ५९१८ नम्बरको फोर्स गाडीले रा १ ह ४४५९ नम्बरको अटोलाई बिहान साढे ९ बजे ठक्कर दिएको थियो ।

दुवै सवारी साधनसहित गाडी चालकलाई नियन्त्रणमा लिएको जिल्ला प्रहरी कार्यालय दाङले जनाएको छ ।