काठमाडौं । सरकारले नेपाल नागरिकता (तेस्रो संशोधन) नियमावली, २०८० स्वीकृत गर्ने निर्णय गरेको छ । 

शुक्रबार बसेको मन्त्रिपरिषद् बैठकले सो निर्णय गरेको सरकारको प्रवक्तासमेत रहेकी सञ्चारमन्त्री रेखा शर्माले जानकारी दिइन् । 

यस्तै, बैठकले सिँचाइ नीति, २०८० स्वीकृत गर्ने निर्णय गरेको छ । 

साथै बैठकले विधायन सम्बन्धमा व्यवस्था गर्न बनेको विधेयक संघीय संसद्मा प्रस्तुत गर्न स्वीकृति दिने निर्णय गरेको उनले जानकारी दिइन् ।