काठमाडौं । पूर्वी लिबियामा आएको विनाशकारी बाढीबाट मृत्यु हुनेको संख्या पाँच हजार ५०० पुगेको छ । सात हजारभन्दा बढी मानिस घाइते भएका स्थानीय सञ्चारमाध्यमले जनाएका छन् ।

त्रिपोलीस्थित आपत्कालीन सेवाका प्रवक्ता ओसामा अलीले मृतकको यकिन संख्या अझै निर्धारण गर्न नसकिएको बताए । बाढीबाट प्रभावित क्षेत्रबाट शव निकाल्ने काम भइरहेको उनले उल्लेख गरे ।

बाढी प्रभावित क्षेत्रमा करिब १० हजार मानिस बेपत्ता भएका र ३० हजार बढी विस्थापित भएका बताइएको छ ।

प्रभावित क्षेत्रमा अत्यावश्यक सामग्रीको समेत अभाव हुन थालेको छ । भूमध्यसागरीय आँधीपछिको बाढीका कारण पूर्वी लिबियामा ठूलो क्षति भएको छ । सिन्ह्वा/न्युज एजेन्सी नेपाल