काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानले आफूलाई नेपाली क्रिकेट टिमप्रति विश्वास रहेको बताएका छन् । 

बुधबार राति नेपाली पाकिस्तानसँग पराजित भएपछि रविले फेसबुकमा लेखेका छन्, "प्रतिस्पर्धामा अनुभवको ठूलो महत्त्व हुन्छ । नम्बर १ टिमसँग नम्बर १५ टिमले पहिलोपटक खेलेको हो । यो अनुभव कुनै दिन इतिहास लेख्न काम लाग्ने छ । यात्रा लामो छ र मलाई हाम्रो टिमप्रति विश्वास छ ।"

नेपालले एसिया कप–२०२३ को उद्घाटन खेलमा पाकिस्तानसँग २३८ रनको फराकिलो हार बेहोरेको छ । मुल्तानस्थित मुल्तान क्रिकेट रंगशालमा पाकिस्तानले प्रस्तुत गरेको ३४३ रनको लक्ष्य पछ्याएको नेपाल २३.४ ओभरमा १०४ रनमै समेटियो ।