काठमाडौं । नेकपा (एमाले)का प्रमुख सचेतक महेश बर्तौलाले संसद्को गतिरोध अन्त्य गर्नको लागि सत्तापक्ष र प्रतिपक्षबीच सकारात्मक संवादहरू भएको बताएका छन् ।
आइतबार संसद् भवन परिसरमा सञ्चारकर्मीहरूसँग कुराकानी गर्दै प्रमुख सचेतक बर्तौलाले प्रतिपक्षीले अघि सारेका मागहरू कुनै पनि हालत पूरा गर्न नसकिने पनि दोहोर्याए । संसद्लाई सुचारु गरेर जानुपर्छ भन्ने ठाउँमा प्रतिपक्षहरू पुगेको उल्लेख गर्दै उनले छिट्टै संसद् खुल्ने बताए ।
प्रतिपक्षीहरूकै कारण अवरुद्ध भएको संसद् भोलि उनीहरूकै कारण सुचारु हुने परिस्थितिको विकास हुने बर्तौलाको जिकिर छ ।
"अब संसद् सुचारु गरेर जानुपर्छ भन्ने ठाउँमा उहाँहरू (प्रतिपक्षीहरू) आउनुभएको छ । यो नै सकारात्मक कुरा हो । त्यही जगबाट हिजो संसद् उहाँहरूकै कारण अवरुद्ध भएको थियो । भोलि उहाँहरूकै कारण सुचारु हुने परिस्थिति विकास हुन्छ," उनले भने ।
-1749017675.jpg)
-1749010126.jpg)
-1747106471.jpg)
