site stats
बाह्रखरी :: Baahrakhari
खेल
Global Ime bankGlobal Ime bank
पाकिस्तानका कप्तान बाबर भन्छन्– नेपाललाई सहज प्रतिद्वन्द्वीको रूपमा लिएका छैनौँ

काठमाडौं । पाकिस्तानका कप्तान बाबर आजमले नेपाली राष्ट्रिय क्रिकेट टिमलाई सहजरूपमा नलिएको बताएका छन् । एसिया कपको उद्घाटन खेलको पूर्वसन्ध्यामा आयोजित पत्रकार सम्मेलनमा आजमले क्रिकेटमा कुनै पनि टिम कमजोर नहुने बताए ।

उनले भोलिको खेलमा नेपालविरुद्ध पनि निश्चित रणनीति बनाएको बताए । “क्रिकेटमा कुनै पनि टिमलाई सहजरूपमा लिन सकिँदैन । एक क्रिकेटरको रूपमा कसैलाई पनि सहजरूपमा लिनुहुँदैन भन्ने मैले सिकेको छु । विपक्षी जस्तो भए पनि त्यसका लागि पूरा योजना बनाउन पर्छ, जसरी अन्य टिमविरुद्ध बनाइन्छ । हामीले योजना बनाएका छौँ । उनीहरू (नेपाल) को कुन क्षेत्र बलियो र कुन क्षेत्र कमजोर भन्नेबारे अध्ययन गरेका छौँ र त्यसअनुसारको रणनीति बनाएका छौँ । पहिलो खेल हो र हाम्रो लागि महत्त्वपूर्ण पनि छ । त्यसकारण हामी राम्रो सुरुआत गर्न चाहन्छौँ,” बाबरले भने ।

बाबरले सन् २०१३ मा भएको एसीसी इमर्जिङ कपमा नेपालविरुद्ध खेलेको सम्झँदै नेपाली टिममा राम्रो खेलाडीहरू रहेको बताए ।

“मलाई ठ्याक्कै मिति थाहा छैन । तर पछिल्लोपटक मैले नेपालविरुद्ध पाकिस्तानको यू–२३ टिमबाट खेलेको थिएँ । त्यसकारण अहिलेको टिममा धेरै जसो खेलाडी त्यसबेलाकै थिए भन्ने लागेको छ । उनीहरूसँग राम्रा खेलाडीहरू छन् । त्यसकारण हामी कहिल्यै उनीहरू (नेपाल) लाई सहजरूपमा लिँदैनौँ । हामी उनीहरूविरुद्ध बेस्ट क्रिकेट खेल्न चाहन्छौँ,” बाबरले थपे ।

प्रकाशित मिति: मंगलबार, भदौ १२, २०८०  २३:२९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro