काठमाडौं । देशका अधिकांश सानाठूला नदीमा आज पानीको बहाव सामान्य घटबढ हुने पूर्वानुमान छ । अबका तीन दिन प्रमुख र मझौला नदीहरूमा जलसतह घट्दो हुने बाढी पूर्वानुमान महाशाखाले जनाएको छ ।

महाशाखाका अनुसार यो अवधिमा प्रमुख नदीहरूमा बाढीको जोखिम न्यून रहनेछ ।

आज इलाम, झापा, पाँचथर, ताप्लेजुङ, संखुवासभा, खोटाङ, ओखलढुंगा, सोलुखुम्बु, उदयपुर, सिन्धुली, सिन्धुपाल्चोक, दोलखा, रामेछाप, मकवानपुर काभ्रेपलाञ्चोक, गोरखा, कास्की, पर्वत, लमजुङ, बागलुङ, स्याङ्जा, पाल्पा, रुकुम पश्चिम, जाजरकोट, दैलेख र कालीकोट भई बहने केही साना नदीहरूमा भने बहाव बढ्न सक्ने पूर्वानुमान छ । नदीतटीय क्षेत्रमा सामान्य सतर्कता अपनाउन महाशाखाले आग्रह गरेको छ ।