काठमाडौं । इजरायलले पूर्वी जेरुसेलममा सार्वजनिक यातायात सञ्चालनको लागि २६४ मिलियन अमेरिकी डलर विनियोजन गरेको छ ।

इजरायली यातायात र सडक सुरक्षा विभागले यस बारेमा आइतबार जानकारी दिएको हो । पूर्वी जेरुसेलमको विकासका लागि इजरायली सरकारले स्वीकृत गरेको पाँच वर्षे योजनाको एक भागको रूपमा यो योजना घोषणा गरिएको हो ।

यस परियोजनामा पूर्वी रिङ रोड सम्पन्न गर्ने बताइएको छ । यसले उत्तरदेखि दक्षिणसम्म जेरुसेलमको पूर्वी क्षेत्रलाई जोड्छ ।

यो योजना सन् २०१८ को इजरायली मन्त्रिपरिषद्ले गरेको निर्णयलाई कार्यान्वयन गर्नका लागि अघि बढाइएको हो । शिक्षा, रोजगारको विकाससँगै पूर्वी जेरुसेलमको विकास गर्ने योजनाका रूपमा यसलाई हेरिएको छ ।