काठमाडौं । नेपाल टेलिकमले गएको आर्थिक वर्ष (आव) २०७९/०८० मा करिब ४५ अर्ब रुपैयाँ आम्दानी गरेको छ । कम्पनीले बुधबार सार्वजनिक गरेको आव ०७९/०८० को चौथो त्रैमासिक वित्तीय विवरणमा कुल आम्दानी ४४ अर्ब ८६ करोड ८२ लाख ७३ हजार रुपैयाँ भएको उल्लेख छ ।
जुन गत आव २०७८/०७९ को ४४ अर्ब ३७ करोड ४६ लाख ५६ हजार रुपैयाँभन्दा ४९ करोड ३६ लाख १६ हजारले बढी हो ।
यस्तै, गएको आवमा ३७ अर्ब ९१ करोड ९७ लाख ८९ हजार रहेको कम्पनीको सञ्चय आय एक अर्ब ११ करोडले घटेर ३६ अर्ब ८० करोड ३९ लाख ३० हजार रुपैयाँ पुगेको छ ।
गएको आवमा कम्पनीको खुद नाफा ६६ करोड ६२ लाख सात हजार रुपैयाँले घटेर सात अर्ब ८० करोड ४५ लाख २६ हजार पुगेको छ । अघिल्लो आवमा कम्पनीको खुद नाफा आठ अर्ब ४७ करोड ७ लाख ३३ हजार रुपैयाँ रहेको थियो ।
यस वर्ष कम्पनीको प्रति सेयर आम्दानी ४३ रुपैयाँ ३६ पैसा भएको कम्पनीले जनाएको छ ।
-1749017675.jpg)
-1749010126.jpg)
-1747106471.jpg)
-1718633678.jpg)
