काठमाडौं । इजिप्टको वार्षिक मुद्रास्फीति दर हालसम्मकै उच्च विन्दुमा पुगेको छ ।

बिहीबार इजिप्टको सेन्ट्रल एजेन्सी फर पब्लिक मोबिलाइजेसन एन्ड स्ट्याटिस्टिक्सका अनुसार जुलाईमा ३८.२ प्रतिशतले बढेर अहिलेसम्मकै उच्चविन्दुमा पुगेको हो । गत वर्षको जुलाईमा इजिप्टको मुद्रास्फीति दर १४.६ प्रतिशत थियो ।

वर्षैपिच्छे मुद्रास्फीति दर बढ्दै जानुमा विशेष गरी अन्न, होटेल, मदिरा, चुरोट र स्वास्थ्य सेवाको मूल्यवृद्धि रहेको पाइएको छ ।

खाद्यान्न र पेयपदार्थको मूल्य सन् २०२२ जुलाईको तुलनामा ६८.२ प्रतिशतले बढेको छ । अघिल्लो महिना (जुन)मा इजिप्टको वार्षिक मुद्रास्फीति दर वृद्धिको रेकर्ड ३६.८ प्रतिशत कायम थियो ।

२०२२ मार्चदेखि डलरको तुलनामा स्थानीय मुद्राको मूल्य आधाले घटेपछि इजिप्टमा मूल्यवृद्धि भएको हो । मुद्राको अवमूल्यनका कारण विदेशी मुद्राको अभाव र आयातमा कमी भएको छ । सिन्ह्वा/न्युज एजेन्सी नेपाल