site stats
बाह्रखरी :: Baahrakhari
राजनीति
Nabil BankNabil Bank
महत–शर्मा द्वन्द्व : गुटको लडाइँ कि वास्तविकता ? 
Sarbottam CementSarbottam Cement

काठमाडौं । बुधबार प्रतिनिधि सभा बैठकमा अन्य दिनभन्दा फरक दृष्य देखियो । प्रतिपक्षले अवरोध गर्न खोज्दाखोज्दै सत्तापक्ष अर्थात् कांग्रेसका सांसद सुनील शर्माले आफ्नै पार्टीका नेतासमेत रहेका अर्थमन्त्री डा. प्रकाशशरण महतको राजीनामा माग गरे ।

करिब एक क्विन्टल सुन तस्करी काण्डमा प्रमुख प्रतिपक्षी दल नेकपा एमालेले उच्चस्तरीय छानबिन समिति गठन नभएसम्म बैठक चलाउन नदिने अडान राखेकै बेला शर्माले अर्थमन्त्री र गृहमन्त्रीको राजीनामा माग गरेका हुन् ।

तर एमालेले भने गृहमन्त्रीकोमात्रै राजीनामा माग गरेको थियो ।

Prabhu Bank
Agni Group
NIC Asia

शर्मा मोरङ ३ बाट निर्वाचित सांसद हुन् ।

उनले दुई मन्त्री (गृह र अर्थ)ले राजीनामा नदिए संसद्मै अनसन बस्ने चेतावनी समेत दिए । 

Global Ime bank

डा. शर्माले गृहमन्त्री नारायणकाजी श्रेष्ठ र अर्थमन्त्री प्रकाशशरण महतले मुख्य अभियुक्त पक्राउ नपरुन्जेल राजीनामा दिनुपर्ने बताए । उनले विश्व इतिहास र नेपालको इतिहासलाई पनि उदाहरण दिँदै राजीनामा माग गरेका हुन् । 
“संसारमा यस्ता घटना आउँदा नैतिकताको आधारमा राजीनामा दिने र अनुसन्धानमा सहयोग गर्ने चलन छ । ०४६ पश्चात् नेपालमा डा. रामशरण महत मन्त्री भएका बेला डलर खाता छ भनेपछि उहाँले राजीनामा दिनुभयो । डा. मिनेन्द्र रिजालले पनि चुनाव हारेपछि राजीनामा गर्नुभयो । रुक्मांगत कटवाल काण्डमा पनि प्रधानमन्त्री प्रचण्डले राजीनामा दिनुभएको छ,” उनले भने । 

गृह र अर्थमन्त्रीले मुख्य नाइके पक्रन नसके आफू संसद् बैठकमै अनसन बस्ने उनले जानकारी गराए । 

“अहिलेको अर्थमन्त्री र गृहमन्त्रीले भरिया मात्र हैन मालिकलाई पक्राउ गरेँ भन्नुपर्थ्यो । समय लिएर भन्नुपर्छ पक्राउ गर्छु भन्नुपर्छ,” उनले भने, “प्रधानमन्त्री आएपछि म यही संसद्मा अनसन बस्छु ।”

सत्तारूढ दल त्यसमाथि आफ्नै दलबाट अर्थमन्त्रीको राजीनामा किन मागियो ?  सांसद शर्माको यस्तो अभिव्यक्ति किन आयो भन्ने कौतुहलता राजनीतिक वृत्तमा बढेको छ । 

बुधबार साँझ नै नेपाली कांग्रेस केन्द्रीय समिति बैठकपछि पत्रकार सम्मेलन गरेर अर्थमन्त्री महतले जवाफ दिए ।

डा. सुनीलले व्यक्तिगत इगोका कारण आफ्नो राजीनामा माग गरेको डा. महतको तर्क छ । महतले स्वास्थ्य बिमा कार्यक्रम र त्यसबापतको रकमको विषयलाई जोडेर संसद्मा अराजकता प्रस्तुत गरेको दाबी गरे । 

महतले पत्रकार सम्मेलनमा भनेको विषय :–
यही हो अराजकता अनुशासनहीनताको चरम । उहाँको हस्पिटल छ । स्वास्थ्य बिमा बोर्ड भन्ने स्वास्थ्य मन्त्रालयमा छुट्टै एउटा संरचना छ । कसले बिमा पाउने नपाउने भन्ने विषयमा हामीले पनि बिमा पाउनुपर्यो भन्ने उहाँको भनाइ हो । तर, मैले चाहिँ निर्णय गरेर हुने कुरा होइन त्यो बिमा बोर्डले निर्णय गर्छ । तै पनि यो समान हिसाबले दिइयोस्, कसैलाई दिने कसैलाई नदिने नहोस् भनेर सम्बन्धित पदाधिकारीलाई बोलाएर मैले भनेँ । यो कार्यक्रमको संयोजकको शोक परेकाले उहाँ उपस्थित हुन पाउनुभएन । सरकारको बिमा दिने नीति स्वास्थ्य बिमा दिने नीतिभित्र र त्यसको बजेटभित्र रहेर क–कसले कसरी पाउने एउटा समान कोणबाट दिनुपर्छ त्यसमा दुई मत छैन । त्यो कुरामा उहाँको चाहिँ के कुरा थियो भने मैले भने तुरुन्तै भइहाल्छ त्यसकारण तपाईंले नभनेर नभएको भन्ने उहाँको कुरा । म त कुनै राणाकालको शासक होइन कि मैले चाहिँ बोल्ने अनि भइहाल्ने । त्यसको प्रकृया हुन्छ संस्थागत संरचना छ त्यो नहुनेबित्तिकै उहाँ भड्किएर जथाभावि यसरी बोल्नुभएको छ । कल्पना कसैले गर्न सक्नुहुन्छ प्रकाश महत यस्तोमा सहयोगी हुन सक्छ ? बीचमा यो हटेको थियो मैले नै बजेटमा प्रस्ताव गरेको हो सूचना दिनेलाई १० प्रतिशतसम्म पुरस्कार दिने भनेर । कतिपय अवस्थामा जसलाई जिम्मेवारी दिएको छ दुरुपयोग गर्न सक्छ, नयाँ–नयाँ हतकन्डा अपनाएर तस्कर गर्न सक्छ । कहिलेकाहीँ सम्पूर्ण कोसिसको बाबजूदत उम्किन्छ । कुनैबेला उदासिनता अथवा मिलेमतोमा पनि त्यस्तो हुन्छ । त्यसको छानबिन भइरहेको छ राजश्व अनुसन्धानले पुलिसको साथ लिएर । कतिपय पक्राउ परिसकेका छन् थप अनुसन्धान हुँदैछ । अनुसन्धान प्रक्रियामा हाम्रो पूरा साथ सहयोग छ । यो पक्राउ गर्नु राम्रो हो नि । यसमा पनि हामीले विभिन्न प्रश्न उठेको आश्चर्य चकित छौं ।

पार्टीले यो विषयमा कारवाही गर्छ त भन्ने प्रश्नमा उनी संस्कार विपरीत अभिव्यक्ति दिने शर्मालाई कारबाही हुने बताउँछन् ।  

“अवश्य पनि यस्तो प्रवृत्तिलाई पार्टीले हेर्नुपर्छ । नेतृत्व तहमा कुरा राखेको छु । कुरा एउटा यो भयो त्यो भयो भएको नभएको तथानाम कुरा गर्न पाइन्छ ? यो कुनै संस्कार हो हाम्रो पार्टीको ?,” महतले आक्रोश पोखे, “उहाँले पटक– पटक आएर तपाईंले भन्दिए आजै हुन्छ किन नगरिदिएको ? कुरा एउटा छ तिर अर्कोतिर मार्ने ?” 

सुनील शर्मा भन्छन्– राजनीति भविष्यमा दाउमा लगाएर बोलेको छु 

यो विषयले कांग्रेसभित्रै स्वार्थ टकराव देखिएको छ । शर्मा मेडिकल व्यवसायी हुन् । उनको मोरङको विराटनगरमा नोवेल मेडिकल र काठमाडौंमा पनि काठमाडौं मेडिकल कलेज छ । बिमा कार्यक्रम नोबेलमा लागू भएको थियो । गत आर्थिक वर्षको बजेटबाट मेडिकल कलेज र निजी अस्पताललाई बिमा कार्यक्रम नदिने घोषणा भए पनि त्यसअघिको बिमा कार्यक्रमवापत् पूर्ण भुक्तानी सरकारले गरेको छैन । त्यसैले शर्माले यो कुरा निकालेर पटक–पटक आफूसँग छलफल गरेर त्यसबापत रकम र कार्यक्रम मागेको आरोप अर्थमन्त्रीको छ । 

यता, सुनीलले भने राजनीतिक भविष्य दाउमा लगाएर ‘तानाशाह’ र ‘तस्कर’ विरुद्ध लडेको बताउँछन् । 

आफ्नो मेडिकल कलेज राम्रै चलेको भन्दै आफूलाई स्वास्थ बिमा कार्यक्रम नचलाउँदा पनि फरक नपर्ने दाबी शर्मा गर्छन् । बाह्रखरीसँग उनले स्वास्थ्य बिमालाई जोडेर अर्थमन्त्रीले फेस सेभिङ गर्न चालेको कदमको संज्ञा दिएका छन् । 

“मैले अर्थमन्त्री मागेको हो र ? स्वास्थ्य बिमा कार्यक्रम चलाउँदा र नचलाउँदा मलाई के फरक पर्छ र ? अस्पताल राम्रै चलेको छ, म हाइयर ट्याक्स पेयर हो नेपालको,” शर्माले बाह्रखरीसँग भने, “मैले मेरो राजनीति दाउमा ल्याएर स्वास्थ्य बिमा कार्यक्रममा रिसाएर यसरी प्रस्तुत हुन्छु होला ? म मुर्ख र बेवकुफ छु होला र ? मैले आफ्नो राजनीति सक्ने निर्णय गरेको छु नि ! नेपालमा तानाशाहहरुसँग लड्न गाह्रो छ । अनि स्वास्थ्य बिमा कार्यक्रमलाई लिएर यत्रो रिस्क लिन्छु होला त ?”

शर्माले अहिलेको प्रकरणमा डा. महतलाई पार्टी सभापति शेरबहादुर देउवाले चाहे पनि बचाउन नसक्ने बताउँछन् । जसले यो विषयको बचाउमा उत्रिन्छ उ तस्कर हुने धारणा उनको छ । 

“स्वास्थ्य बिमा कार्यक्रम हामीले अहिले चलाएको छैन । स्वास्थ्य बिमा दिने स्वास्थ बिमा अन्तर्गतको बोर्डले हो । मानिलिउँ हामीले स्वास्थ्य बिमा माग्यौं अरे ! नागरिकले स्वास्थ्य बिमा माग्न नपाउने हो र ? त्यो विषयलाई यहाँ ल्याएर जोडेर आफ्नो फेस सेभिङ गर्न खोज्ने?,” शर्माले भने, “उनी आत्तिएका हुन् । अनसन बसेपछि अवस्था फरक भैहाल्छ । म मेडिकल एशोसिएसनको लाइफ टाइम मेम्बर पनि हो । यो कुरा पनि उनले विचार गरेका छैनन् । उनको दिनगन्ती सुरु भएको हो । यिनीहरुले ह्विस्की आयातमा पनि प्रतिदिन अडाई करोड लिन्छन् भन्ने कुरा आएको छ । यो देश लुट्नेहरूको ठूलो नेक्सस छ यहाँ । यसमा नागरिक समाज र मिडियाहरूको भूमिका कस्तो हुन्छ त्यसमा भर पर्छ । नागरिक चाहिँ दुःखमा पर्ने यिनीहरुले देश लुटिरहने  ? अब नबोलेर हुँदैन ।”
 

NIBLNIBL
प्रकाशित मिति: शुक्रबार, साउन १२, २०८०  १२:२५
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement