काठमाडौं । काठमाडौंको धोबीखोला करिडोरमा फोहोर थुप्रिएको देखिएको छ । अनामनगर र मैतिदेवीस्थित सेतोपुलनजिक धोबीखोला किनारको सडकछेउमा फोहोरको डंगुर देखिएको हो ।

हिजोको तुलनामा आज सो स्थानमा बढी फोहोर देखिन्छ । त्यसनजिकै अर्को स्थानमा फोहोरले भरिएका गाडी पार्किङ गरी राखिएको छ । गाडी पार्किङ गरिएको स्थानमा ठेकेदार कम्पनीले फोहोर थुपार्ने गर्दै आएको छ ।

धोबीखोला करिडोरस्थित सडकछेउमै फोहोर थुपारिएको बारे आफूलाई कुनै जानकारी नभएको काठमाडौं महानगरपालिकाको वातावरण विभागका प्रमुख रविनमान श्रेष्ठले बताए । त्यसरी फोहोर थुपार्नुपर्ने कुनै कारण नभएको उनले उल्लेख गरे ।

कसैले लापरबाही गरेको भए तत्काल कारबारी गरिने उनको भनाइ छ ।

थप तस्बिर हेर्नोस्–