राजनीति
काठमाडौं । नेकपा (एकीकृत समाजवादी)को सचिवालय बैठकमा चार नेताले आफ्नो धारणा राखेका छन् ।
कीर्तिपुरस्थित चम्पादेवीमा बसेको सोमबारको बैठकमा ‘वर्तमान परिस्थितिमा हाम्रो कार्यभार’को विषयमा नेताहरुले आफ्नो धारणा राखेको पार्टीका उपमहासचिव तथा प्रचार विभाग प्रमुख जगन्नाथ खतिवडाले जानकारी दिए ।
उनका अनुसार बैठकमा सम्मानित नेता झलनाथ खनाल, महासचिव घनश्याम भुसाल, उपमहासचिवहरु गङ्गालाल तुलाधर र विजय पौडेलले धारणा राखेका छन् ।
एकीकृत समाजवादीको सचिवालय बैठक शुक्रबार र शनिबार पनि बसेको थियो । बैठक मंगलबार पनि बस्ने खतिवडाले जानकारी दिए ।
प्रकाशित मिति: सोमबार, साउन १, २०८० १८:५५
प्रतिक्रिया दिनुहोस्