काठमाडौं । रक्तदानलाई जीवन दान पनि भनिन्छ । कोही व्यक्तिविशेषले दिएको रगतले अरुको जीवन बाँच्छ । त्यसैले रक्तदानलाई सेवाभावले पनि हेरिन्छ । 

तर, रक्तदानका पनि केही मापदण्ड छन् । रक्तदान गर्ने व्यक्ति १८ देखि ६५ वर्ष उमेर समूहको हुनुपर्छ ।

“रक्तदाताको तौल कम्तीमा ४५ किलोग्राम हुनुपर्छ । रक्तदाता स्वस्थ हुनु पर्छ,” स्वास्थ्य तथा जनसंख्या मन्त्रालयले भनेको छ । 
रक्तदाताको हेमोग्लोबिन १२ जीएम/डीआईभन्दा कम हुन नहुने पनि स्वास्थ्य मन्त्रालयको भनाइ छ ।