काठमाडौं । शाओमीले रेड्मी ए२ र ए२प्लस नेपाली बजारमा सार्वजनिक गरेको छ । उत्कृष्ट फिचरसहित सुलभ मूल्यमा प्रयोगकर्तामा यी मोबाइल फोन सार्वजनिक गरेको हो ।

यी दुवै नयाँ फोनमा दुई वर्षको वारेन्टी रहेको छ । इमर्सिभ डिस्प्ले, प्रभावशाली क्यामेरा क्षमता, स्टाइलिस डिजाइन, शक्तिशाली पर्फर्मेन्स र लामो समयसम्म चल्ने ब्याट्री लाइफलगायतका सुविधाहरूका साथ रेड्मी ए२ र ए२प्लसले बजारमा सार्वजनिक भएको हो ।

लन्चको बारेमा चर्चा गर्दै, शाओमी नेपालका कन्ट्री जनरल म्यानेजर अमितकुमार पंण्डाले भने, “रेडमी परिवारमा लेटेस्ट एडिसनको रूपमा, रेड्मी ए२ र ए२प्लसलाई सहज र छरितो पर्फर्मेन्स प्रदान गर्न निर्माण गरिएको हो । टप अफ द लाइन स्पेसिफिकेसनहरू र शक्तिशाली भिजुअलहरू प्रस्तुत गर्दै, यी फोनहरू नेपाली स्मार्ट फोन बजारमा आक्रामक रूपमा उत्रिन तयार छन् ।”

रेड्मी ए२ र ए२प्लस लाइट ब्लू, लाइट ग्रीन र कालो रंगमा उपलब्ध छन् । दुई जीबी र्‍याम र ३२ जीबी मेमोरी भएको रेड्मी ए२ पाइने छ भने रेड्मी ए२प्लस दुई वटा स्टोरेज भेरियन्टमा उपलब्ध हुने बताइएको छ । रेड्मी ए२प्लस २ जीबी र्‍याम र ३२ जीबी मेमोरीका साथै ३ जीबी र्‍याम र ६४ जीबी मेमोरीमा उपलब्ध रहेको छ ।

जसमा एक टीबीसम्म एक्स्पाण्डेबल स्टोरेजको सपोर्ट रहेको पनि बताइएको छ । रेड्मी ए२ २ जीबी र्याम र ३२ जीबी मेमोरीको मूल्य १० हजार ४९९ पर्नेछ । त्यस्तै रेड्मी ए२ प्लसको मूल्य ११ हजार ४९९ र ११ हजार ९९९ रुपैयाँ पर्नेछ ।