काठमाडौं । नेपाल समाजवादी पार्टीका अध्यक्ष डा. बाबुराम भट्टराईले कोसीमा बनेको नयाँ सरकार असंवैधानिक रहेको टिप्पणी गरेका छन् ।
बिहीबार राति ट्विटरमार्फत पूर्वप्रधानमन्त्रीसमेत रहेका भट्टराईले 'हिजो केपी ओलीले संविधानविपरीत गरे भनेर संयुक्त आन्दोलन गरेकाहरूले नै कोसीमा लोकतन्त्र विरोधी हर्कत गरेको' बताएका छन् ।
"हिजो केपी ओलीले संविधानविपरीत काम गरे भनेर हामीले संयुक्त आन्दोलन गर्यौँ, अदालत र जनताले पनि साथ दिएर हामीले प्रतिगमन रोकियो भन्यौँ ! आज तिनै साथीहरू नै एकपछि अर्को संविधान र लोकतन्त्रविरोधी हर्कत गर्दै जाने हो भने अब संविधान र लोकतन्त्रको रक्षा कसले गर्छ ? १ नं प्रदेशको हर्कतलाई कसरी जायज ठहर्याउन सकिन्छ ? जो अगुवा उही ?," भट्टराईले भनेका छन् ।
कोसीमा आज कांग्रेसका उद्धव थापा मुख्यमन्त्री नियुक्त भएका छन् । उनी सभामुखसहित ४७ सांसदको समर्थनमा मुख्यमन्त्री बनेका हुन् । तर, एमालेले सभामुखले समर्थन गर्न नमिल्ने बताएको छ ।
-1714291811.jpg)
