site stats
बाह्रखरी :: Baahrakhari
राजनीति
Global Ime bankGlobal Ime bank
संसद् बैठक सञ्चालन गर्न जुटेन सहमति
फाइल तस्बिर।

काठमाडौं । कार्यव्यवस्था परामर्श समितिको बैठकमा संसद् बैठक चलाउने विषयमा सहमित जुट्न सकेन । बैठकमा नेकपा (एमाले)ले प्रधानमन्त्रीले रोस्टममा उभिएर जवाफ मात्र नभई पदबाट राजीनामा दिनुपर्ने माग गरेको छ ।

प्रधानमन्त्री प्रचण्डले सोमाबार एक पुस्तक विमोचन कार्यक्रमलाई सम्बोधन गर्दै आफूलाई प्रधानमन्त्री बनाउन प्रितम सिंह पटकपटक भारत गएको अभिव्यक्ति दिएका थिए । सो अभिव्यक्तिमाथि एमालेले आपत्ति जनाएको छ ।

एमाले संसदीय दलको आजको बैठकले पनि प्रधानमन्त्रीको राजीनामा माग गर्ने निर्णय गरेको थियो । सोहीबमोजिम कार्यव्यवस्था परामर्श समिति बैठकमा एमालेले कुरा राखेको छ ।

बैठकमा नेकपा (माओवादी केन्द्र)ले भने मिडियामा लेखेकै भरमा सबै कुरा पत्याएर एमालेले गैरजिम्मेवार पूर्ण कदम चाल्न नहुने उल्लेख गरेको छ । बैठकमा सहभागी एक सदस्यले दिएको जानकारीअनुसार माओवादीले प्रधानमन्त्री प्रचण्डले राजीनामा नदिने स्पष्ट पारेको छ ।

“बैठकमा कुरा मिलेन । जे हुन्छ फुल हाउसमै हुन्छ, त्यहीँ फेस गर्ने भनेर कार्यव्यवस्था परामर्श समिति बैठक सम्पन्न भएको छ,” ती सदस्यले भने ।

प्रकाशित मिति: बुधबार, असार २०, २०८०  १६:१७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro