काठमाडौं । सञ्चार तथा सूचना प्रविधिमन्त्री रेखा शर्माले अहिले सरकार ढल्नुपर्ने कुनै कारण नरहेको बताएकी छन् ।

मंगलबार मन्त्रिपरिषद्को बैठकपछि सञ्चारकर्मीसँगको संक्षिप्त कुराकानीका क्रममा शर्माले सरकार ढल्ने विषय अफवाह रहेकी दाबी गरिन् ।

सरकारकी प्रवक्तासमेत रहेकी शर्माले सरकार ठिक ढंगले चलिरहेको र सुशासनको पक्षमा काम गरिरहेको बताइन् ।

"किन ढल्ने सरकार ? सरकार ढल्नुपर्ने कुनै कारण छैन । सरकारले राम्रोसँग काम गरिरहेको छ । सरकार ठिक ढंगले चलिरहेको छ । सुशासनको पक्षमा काम गरिरहेको छ । सबै कुरा व्यवस्थित रूपमा भइरहेको अवस्थामा कतै सरकार ढल्ने कुरा चलिरहेको छ भने त्यो अफवाह हो," शर्माले भनिन् ।