site stats
बाह्रखरी :: Baahrakhari
राजनीति
Global Ime bankGlobal Ime bank
रास्वपा प्रवेश गरे अनिल केशरी शाह, प्रशिक्षण विभाग प्रमुखको जिम्मेवारी

काठमाडौं । बैकर अनिल केशरी शाह राजनीतिमा होमिएका छन् । राष्ट्रिय स्वतन्त्र पार्टी प्रवेश गरेका शाहले प्रशिक्षण विभाग प्रमुखको जिम्ेमवारी समेत पाएका छन् ।

राष्ट्रिय स्वतन्त्र पार्टीले विधानको ‘केन्द्रीय समितिका सदस्य मात्र विभागीय प्रमुख हुने’ व्यवस्था निलम्बन गर्दै शाहलाई प्रशिक्षण विभाग प्रमुख दिएको हो । “हाम्रो केन्द्रीय समिति बैठकको निर्णयअनुसार शाहलाई प्रशिक्षण विभाग प्रमुखको जिम्मेवारी दिइएको हो,” केन्द्रीय सदस्य गणेश कार्कीले भने ।

यसअघि, रास्वपामा प्रशिक्षण विभाग प्रमुखको जिम्मेवारीमा महामन्त्री मुकल ढकाल थिए । उनले जिम्मेवारी छोड्न तयार भएपछि शाहलाई विभागको जिम्मेवारी तोकिएको बताइएको छ ।

यस्तै, रास्वपामा अर्को महत्वपूर्ण मानिएको संगठन विभाग प्रमुखको जिम्मेवारीमा कविन्द्र बुर्लाकोटी छन् । आर्थिक विभागको जिम्मेवारी रास्वपा प्रवेश गरेसँगै तनहुँबाट निर्वाचित भएका डा. स्वर्णिम वाग्लेले पाएका छन् । रास्वपामा यस्ता ३६ विभाग बनिसकेको बताइएको छ ।

प्रकाशित मिति: बिहीबार, असार ७, २०८०  ११:५२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro