काठमाडौं । नेपाली कांग्रेसका सांसद दिलेन्द्रप्रसाद बडूले समाजवादी मोर्चा बनाएर आफूहरू पनि संगठित रहेको सन्देश दिन खोजिएको टिप्पणी गरेका छन् । 

मंगलबार संसद् भवन परिसरमा सञ्चारकर्मीहरूसँग कुरा गर्दै बडूले 'अहिले नै किन समाजवादी मोर्चा चाहियो ?' भन्ने प्रश्न भने विचारणीय रहेको बताए । 

सांसद बडूले राजनीतिक दृष्टिकोणबाट वातावरण बनाउन खोजिएको महसुस आफूलाई भएको बताए । 

"ठ्याक्कै यतिबेला यो किन महसुस भयो यो पनि एउटा विचारणीय पक्ष हो । एउटा राजनीतिक दृष्टिकोणले पनि मलाई लाग्छ, एउटा वातावरण बनाउन खोजेको होला । किनभने हामी पनि संगठित भएका छौँ, हाम्रो पनि तागत यति छ, भन्ने एउटा म्यासेज दिने एउटा उद्देश्य होला," उनले भने ।

सांसद बडूले  छरिएर बस्नु भन्दा एकत्रित हुनु राम्रो पक्ष भएको पनि बताए ।