काठमाडौं । आईसीसी विश्वकप छनोटको पहिलो खेलमा जिम्बाब्वेविरुद्ध नेपालले ओपनर आसिफ शेखलाई दोस्रो विकेटको रुपमा गुमाएको छ ।

हरारेस्थित हरारे स्पोर्ट्स मैदानमा टस हारेपछि ब्याटिङमा आएको ३३.५ ओभरमा आसिफ शेखलाई ६६ रनमा आउट भए । आसिफले १०० बलमा सात चौका प्रहार गरे ।

त्यसअघि, नेपालले अर्का ओपनर कुशल भुर्तेललाई ९९ रनमा गुमाएको थियो ।

भुर्तेल र आसिफले पहिलो विकेटका लागि १७१ रनको कीर्तिमानी साझेदारी गरे । यो नेपालबाट आसिफ र कुशलले एकदिवसीय अन्तर्राष्ट्रिय क्रिकेटमा पहिलो विकेटका लागि अहिलेसम्मकै उच्च साझेदारीसमेत हो ।

यसअघि, पहिलो विकेटका लागि यही जोडीले सन् २०२२ को जुन १४ मा ओमानविरुद्ध ११४ रनको साझेदारी गरेका थिए ।

हाल नेपालले ३० ओभरमा दुई विकेट गुमाएर १७४ रन बनाएको छ । हाल क्रिजमा रहेका कुशल मल्ल दुई र कप्तान रोहितकुमार पौडेल शुन्यमा खेलिरहेका छन् ।