काठमाडौं । फिलिपिन्सविरुद्धको अन्तर्राष्ट्रिय मैत्रीपूर्ण फुटबलका लागि नेपालको सुरुवाती–११ सार्वजनिक भएको छ । 

नेपाली टिमका मुख्य प्रशिक्षक भिन्चेन्सो अल्बर्टो एनेसले नेपाली आफ्नो पहिलो रोजाइ सार्वजनिक गरेका हुन् । 

नेपाली टिमबाट मिडफिल्डर लाकेन लिम्बू र रक्षक विमल पान्डेले 'डेब्यू' गरेका छन् । लाकेन थ्री स्टारबाट र विमल त्रिभुवन आर्मी क्लबबाट व्यावसायिक फुटबल खेल्दै आएका छन् । 

खेल नेपाली समयानुसार आज अपराह्न ४:४५ बजेदेखि सुरु हुने छ ।

साफ च्याम्पियनसिपको तयारी र मैत्रीपूर्ण खेलका लागि नेपाली टिम जेठ २९ गते फिलिपिन्स गएको थियो । फिलिपिन्समा एउटा मैत्रीपूर्ण खेलपछि नेपाली टिम भारतमा हुने च्याम्पियनसिपका लागि प्रस्थान गर्ने छ ।

त्यसपछि नेपाली टिम फिलिपिन्सबाटै च्याम्पिनयसिपका लागि भारतको बैङ्ग्लुरु प्रस्थान गर्ने छ । प्रतियोगिता असार ६ गतेदेखि १९ गतेसम्म सञ्चालन हुने छ ।

नेपालले असार ६ गते कुवेतसँग, असार ९ गते भारतसँग र असार १२ गते समूह चरणको अन्तिम खेलमा पाकिस्तानसँग खेल्ने छ ।

नेपाली टिम 
किरण चेम्जोङ (कप्तान), विमल पान्डे, सनिश श्रेष्ठ, अनन्त तामाङ, रोहित चन्द, पुजन उपरकोटी, एरिक बिस्ट, लाकेन लिम्बू, आयुश घलान, नवयुग श्रेष्ठ, अञ्जन बिस्ट ।