काठमाडौं । पछिल्लो २४ घण्टामा मकवानपुरको दामनमा सबैभन्दा बढी वर्षा मापन गरिएको मौसम पूर्वानुमान महाशाखाले जनाएको छ ।

स्वचालित मापन केन्द्रको तथ्यांकानुसार मंगलबार (हिजो) बिहान पौने १० बजेदेखि आज बिहान पौने १० बजेसम्म दामनमा ८०.४ मिलिमिटर वर्षा मापन गरिएको महाशाखाका मौसमविद् सञ्जीव अधिकारीले जानकारी दिए ।

यो अवधिमा लमजुङमा ७९ मिलिमिटर, सिन्धुलीमा ७४.६, उदयपुरमा ५१ मिलिमिटर वर्षा मापन गरिएको उनले बताए ।

यस्तै, काठमाडौंको एयरपोर्टस्थित केन्द्रमा ४९.२ मिलिमिटर वर्षा मापन गरिएको छ ।

• मौसम विभागलाई प्रश्न– नेपालमा मनसुन प्रवेश गरेको हो ?

उनका अनुसार आज पनि देशका केही स्थानमा वर्षाको सम्भावना छ । काठमाडौंमा पनि अपराह्नपछि वर्षाको सम्भावना रहेको उनले बताए ।

“काठमाडौंमा पनि अपराह्नपछि वर्षाको सम्भावना छ । काठमाडौंमा राति पनि वर्षाको सम्भावना देखिन्छ,” उनले बाह्रखरीसित भने ।

• मनसुन के हो ? कहाँ, कसरी बनेर आउँछ नेपालमा ?