काठमाडौं । राष्ट्रपति रामचन्द्र पौडेल अस्पताल भर्ना भएका छन् । मुटु जाँचका लागि पौडेल मंगलबार बिहान गंगालाल राष्ट्रिय हृदय रोग केन्द्र भर्ना भएका हुन् ।

राष्ट्रपतिका स्वकीय सचिव चिरञ्जीवी अधिकारीका अनुसार नियमित जाँचका लागि उनलाई अस्पताल लगिएको हो ।

पौडेललाई १२ घण्टासम्म चिकित्सकको निगरानीमा राखिने छ ।

“नियमित जाँचका लागि सम्माननीय राष्ट्रपतिज्यू अस्पताल आउनुभएको हो,” अधिकारीले बाह्रखरीसँग भने, “डाक्टरले १२ घण्टा अब्जर्भेसनमा बस्न भनेपछि अहिले अस्पतालमै हुनुहुन्छ ।”