काठमाडौं ।  मुस्ताङको घरपझोङ गाउँपालिका–४ काठेपुलमा जुवातास खेलिरहेको अवस्थामा ६ जना समातिएका छन् ।

स्याङ्जाको विरुवा गाउँपालिका–४ घर भएका कुलमान सिंह थापाको हाम्रो होटोलबाट जुवातास खेलिरहेको अवस्थामा थापासमेत ६ जनालाई सोमबार साँझ प्रहरीले पक्राउ गरेको हो ।

सो होटलमा जुवातास खेलिरहेको भन्ने विशेष सूचनाको आधारमा जिल्ला प्रहरी कार्यालय मुस्ताङबाट खटिएको प्रहरीले उनीहरूलाई नगद ७३ हजार ५० रुपैयाँ र तीन बुक ताससहित पक्राउ गरेको जनाइएको छ ।