काठमाडौं । सहिद स्मारक ‘ए’ डिभिजन लिगमा साविक विजेता मछिन्द्र फुटबल क्लब र जावलाखेल युथ क्लब गोलरहित बराबरीमा रोकिएका छन् ।

बुधबार त्रिपुरेश्वरस्थित दशरथ रंगशालामा सम्पन्न खेलमा दुवै टिमले प्राप्त अवसरको सदुपयोग गर्न नसक्दा अंक बाढ्न बाध्य बने ।

बराबरी रोकिएसँगै मछिन्द्रले शीर्ष स्थानको चर्च ब्वाइजसँग अंक बराबरी गर्ने अवसर गुमाएको छ । मछिन्द्र २१ खेलमा ३५ अंक जोडेर दोस्रो स्थानमा कायम छ । जुन शीर्ष स्थानको चर्च ब्वाइजभन्दा दुई अंक कम हो । जावलाखेल पनि समान खेलमा ३४ अंक जोडी तेस्रो यथावत छ ।

लिगमा आजै भएका खेलमा न्युरोड टिम (एनआरटी) ले त्रिभुवन आर्मी फुटबल क्लबविरुद्ध १–० ले र एपीएफ क्लबले संकटा क्लबलाई २–१ ले पराजित थियो ।