काठमाडौं । आरएमसी फुड्सले सेफ सत्रको पहिलो संस्करण सम्पन्न गरेको छ । सेफ समुदायलाई एकताबद्ध गर्न र उत्कृष्ट खाना बनाउने तेलको महत्वबारे छलफल गर्न आयोजित सत्र सफल रुपमा सम्पन्न गरेको हो ।

देशमा कार्यकारी सेफको उपाधि जित्ने पहिलो नेपाली सेफ गोविन्द नरसिंह केसी सत्रमा प्रमुख वक्ता थिए । उक्त नेटवर्किङ सेसनमा उनीसँगै चर्चित सेफ रत्नबहादुर थापा, सेफ लक्ष्मणप्रसाद भट्टराई, सेफ एसोसिएसनका अध्यक्ष श्याम लामालगायत अन्य सेफहरूको उपस्थिति रहेको थियो ।

कार्यक्रममा मास्टर सेफ प्रोफेसनल विजेता तथा न्युट्रिप्लसका ब्रान्ड एम्बेसेडर सन्तोष शाहले ब्राण्डको हिस्सा बन्नुको कारण र आफूले खाना बनाउने क्रममा न्युट्रिप्लसले थपेको फाइदाका बारेमा बताए । उनले स्वस्थ खाना पकाउने तेलको महत्व र जनस्वास्थ्यमा त्यसको प्रभावमा जोड दिए ।

आरएमसी फुड्सका कार्यकारी निर्देशक यश अग्रवाल भने, “नेपालका चर्चित र प्रमुख सेफहरू भेट्न पाउँदा र सेफ समुदायमा हाम्रो उत्पादन न्युट्रिप्लसको परिचय दिन पाउँदा हामीलाई गर्व महसुस भएको छ । आज उपस्थित सेफहरू न्युट्रिप्लसबारे पहिले नै जानकार छन् । यसलाई उहाँहरू आफ्नो पाककलाको एक कडीका रूपमा प्रयोग गर्दै हुनुहुन्छ भन्ने कुरा थाहा पाउन पाउँदा हामी पनि खुसी छौँ ।”