काठमाडौं । साताको अन्तिम कारोबार दिन सेयर बजार मापक नेप्से सूचक ०.१२ प्रतिशतले घटेको छ । आज नेप्से २.२७ अंकले घटेर १८८९.७३ बिन्दुमा झेरेको छ ।
आज २६९ कम्पनीको २१ लाख ७४ हजार २१४ किक्ता सेयर ७३ करोड ९३ लाख ८१ हजार ९४४ रुपैयाँमा किनबेच भएको छ ।
आज सेन्सेटिभ इन्डेक्स पनि ०.१३ प्रतिशतले घटेर ३६१.०९ बिन्दु कायम भएको छ ।
आज १३ वटा उपसमूहमध्ये दुईवटा उपसमूहको समूहगत सूचक उकालो लागको छ भने ११ उपसमूहको समूहगत सूचक ओरालो लगेको छ ।
यसदिन होटेल तथा पर्यटन उपसमूहको लगानीकर्ताले सर्वाधिक कमाएका छन् । आज उक्त उपसमूहको समूहगत सूचक सर्वाधिक १.८३ प्रतिशतले बढेको छ ।
यस्तै, उत्पादन तथा प्रशोधन उपसमूहको समूहगत सूचक सर्वाधिक १.२८ प्रतिशतले घटको छ ।
आज सिटिजन म्युचुअल फन्ड २ को सेयर मूल्य सर्वाधिक ५.८५ प्रतिशतले बढेर प्रतिकित्ता ७.७८ कायम भएको छ । नबिल ग्रोथ फन्डको सयेर मूल्य सर्वाधिक १० प्रतिशतले घटेर नकारात्मक सर्किट लागेर बन्द भएको छ ।
