काठमाडौं । नेपाल चेम्बर अफ कमर्सका अध्यक्ष कमलेशकुमार अग्रवालले नेपालमा ऊर्जावान् र सस्तो श्रमबजारले लगानीकर्तालाई फाइदा पुग्ने बताएका छन् । आइतबारदेखि सुरु तेस्रो लगानी सम्मेलनका क्रममा उनले विदेशी लगानीकर्तालाई नेपालमा लगानी गर्न अग्रह गरे ।
“नेपालको समृद्धिका लागि लगानी आवश्यक छ,” उनले भने, “नेपालको आर्थिक वृद्धिमा निजी क्षेत्रको भूमिका महत्त्वपूर्ण छ । सरकारले पनि हातेमालो गर्नुपर्छ । आईटी र पर्यटनमा अथाह सम्भावना छ ।”
अध्यक्ष अग्रवालले नेपालको लगानी सम्भावनालाई यथार्थमा बदल्न एक्लै सम्भव नभएको बताए । “तपाईंहरू (विदेश लगानीकर्ता)को उपस्थिति नेपालको आर्थिक रूपान्तरणको लागि इन्स्ट्रुमेन्टल लगानी गर्ने, तपाईंको आत्मविश्वास समृद्ध नेपाल निर्माणको कोसेढुंगा हुनेछ,” उनले भने, “परिवर्तनशील विश्व आर्थिक परिवेशमा नेपालजस्तो अर्थतन्त्रमा इन्धन भर्नुपर्ने आवश्यकता छ । पारस्परिक साथ र सहयोगले नेपालीको वृद्धि गति बढाउनेछ ।”
