काठमाडौं । दाङमा १६ वर्षीया किशोरीको बलात्कार गरेको आरोपमा एकजना पक्राउ परेका छन् । तुलसीपुर उपमहानगरपालिका–१४ मा बस्दै आएका २१ वर्षीय दीपेन्द्र नेपालीलाई बुधबार दिउँसो प्रहरीले नियन्त्रणमा लिएको हो ।

नेपालीले ती किशोरीलाई यही वैशाख ४ गते राति तुलसीपुर–१३, फूलबारीमा लगी बलात्कार गरेको आरोप छ ।

सोसम्बनधी उजुरीका आधारमा इलाका प्रहरी कार्यालय तुलसीपुरबाट खटिएको टोलीले उनलाई पक्राउ गरेको जनाइएको छ ।