site stats
बाह्रखरी :: Baahrakhari
अन्तर्वार्ता
Nabil BankNabil Bank
Sarbottam CementSarbottam Cement
‘निजी र सरकारी विद्यालयबीच प्रतिष्पर्धा गराएर शिक्षा क्षेत्र सुधार्ने लक्ष्य छ’ 
Ghorahi CementGhorahi Cement

बालबालिकाको गुणस्तरीय शिक्षाको अधिकार सुनिश्चित गर्ने उद्देश्य बोकेर स्थापना भएको रातो बंगला फाउन्डेसनले आज २०औँ वार्षिकोत्सव मनाउँदै छ । गुणस्तरीय शिक्षाका लागि बालबालिकाको रुचि, सिप, व्यवहारिक ज्ञानबारे मार्गनिर्देश गराउँदै फाउन्डेसन अहिले देशभरका एक हजार ४०० विद्यालयसम्म पुगेको छ ।

प्रस्तुत छ, फाउन्डेसनको २० वर्षको उपलब्धि र आगामी योजनाबारे रातो बंगला फाउन्डेसनकी अध्यक्ष शान्ता दीक्षितसँग गरिएको कुराकानीको सम्पादित अंश :

रातो बंगला फाउन्डेसनले शिक्षाको क्षेत्रमा कस्ता कस्ता कामहरू गर्दै आएको छ ?

Agni Group

नेपालको भविष्य बालबालिकामै छ । उनीहरूमा जति लगानी गर्न सक्यौँ त्यति नै देशको भविष्य उज्ज्वल हुन्छ भन्ने ठहर गरेर हामी शिक्षा क्षेत्रको सुधारमा २० वर्षदेखि लागि परेका छौँ ।

त्यसका लागि हामी बढीभन्दा बढी शिक्षकलाई तालिम दिने र बालबालिकासम्म व्यवाहारिक शिक्षा पुर्‍याउने उद्देश्यका साथ काम गरिरहेका छौँ ।

Global Ime bank

हामीले आफूलाई मात्रै होइन, सबैलाई अझै भनौँ देशभरको रुचिलाई हेरेर काम गरिरहेका छौँ । त्यसका लागि हाम्रो फोकस मुख्यगरी सामुदायिक विद्यालय शिक्षा सुधारमा हो ।

सन् २००२ मा पाँचवटा जिल्लाबाट सुरु गरिएको कार्यक्रम लिएर हामी आफ्नै विद्यालय परिषरदेखि दुरदराजसम्म पुगेका छौँ र हाल ३३ जिल्लामा तालिम र विभिन्न कार्यक्रमहरू लिएर पुगिसकेका छौँ । 

२० वर्षको अवधिमा फाउन्डेसनले के कस्ता उपलब्धि गर्‍यो ?

मुख्य रूपमा विद्यार्थीको चौतर्फी विकास र तालिममार्फत सामुदायिक विद्यालयहरूको शिक्षाको गुणस्तर बढाउनु नै फाउन्डेसनको लक्ष्य हो ।

पीटीटीपी (प्राइमरी टिचर्स ट्रेनिङ प्रोग्राम) र लेभल वान काठमाडौंस्तरीय तालिममा बढी जोड दिएका छौँ । यसअन्तरगत २० वर्षको अवधिमा ३८६ जनाले पीटीटीपी र ११२२ तालिम लिइसकेका छन् । देशभर १० हजार बढी जनशक्तिलाई तालिम दिइसकेका छौँ ।

हामीबाट तालिम पूरा गरेर देशभर फेरि कति नयाँ जनशक्ति उत्पादन भए त्यसको तथ्यांक हामीसँग छैन । तर हाम्रो कार्यक्रमबाट तीन लाख ७५ हजार विद्यार्थी प्रत्यक्ष लाभान्वित भएका छन् । देशभरका एक हजार ४०० विद्यालयमा हाम्रा कार्यक्रमहरू पुगेका छन् ।  

फाउन्डेसनले लक्ष लिएकोजस्तो विद्यार्थीको चौतर्फी विकासका लागि के गर्न आवश्यक छ ? 

सबैभन्दा पहिलो कुरा बालबालिकाको उमेर अनुसारको हरेक मस्तिष्क र सिकाइको विकास हुनपर्‍यो । त्यसका लागि अभिभावकको पनि महत्त्वपूर्ण भूमिका हुन्छ ।

अहिले हामी बालबालिकाले उमेर अनुसार गर्नसक्ने काममा पनि ध्यान नदिएर उनीहरूलाई परनिर्भर बनाइरहेको देख्छौँ ।

दोस्रो विद्यालयमा सिक्ने कुरा त्यसमा बालबालिकाको रुचि र सिपलाई हेरेर उनीहरूलाई प्रयोगात्मक शिक्षा दिनुपर्छ । विद्यालयलदेखि नै प्राविधिक शिक्षा चाहिन्छ । आफ्नो दैनिकी र जीवनलाई चाहिने सबै सिप विद्यालयमा नै सिकाउनु जरुरी छ न कि घोकन्ते विद्या । 

सन् २०१२ मा रातो बंगला फाउन्डेसनले युनेस्कोले प्रदान गर्ने अवार्ड पनि पाएको थियो यसको सन्दर्भ के थियो ? 

हामीले फाउन्डेसनको सुरुवातदेखि नै पाँच जिल्लामा काम गर्दै आएका थियौँ । त्यसमध्ये सबैभन्दा बढी प्रभावकारी कार्यक्रम दैलेख जिल्लामा भएको थियो ।

पछि हामीले दैलेखमा दुई वर्ष कार्यक्रम थप गरेर सात वर्षमा ५१३ वटा विद्यालयहरूसँग काम गर्‍यौँ । त्यतिबेला ती विद्यालयहरूमा ठूलै परिवर्तन देखियो । लाइब्रेरी सञ्चालनदेखि विद्यार्थीहरूको स्वास्थ्यका लागि चकटी कार्यक्रमजस्ता अभियानहरू सफल भए ।

हाम्रा यिनै कामहरूको मूल्यांकन गर्दै युनेस्कोले रातो बंगला फाउन्डेसनलाई 'हमदान बिन रसिद अल मकतुम' पुरस्कार ‘हमदान अवार्ड’ बाट पुरस्कृत गर्‍यो ।

यो पुरस्कारबाट प्राप्त ९० हजार डलर रकमबाट पनि हामीले ४० प्रतिशत रकम दैलेखका १५० विद्यालयमा लाइब्रेरी, ४० प्रतिशत गुल्मीका विद्यालयहरूमा तालिम, २० प्रतिशत अन्तर्राष्ट्रिया सम्मेलनजस्ता उपलब्धिमूलक कार्यमा खर्च गर्‍यौँ । 

यो २० वर्षको अवधिमा फाउन्डेसनको गौरव गर्न लायक उपलब्धि के रह्यो ? 

पहिलो कुरा त फाउन्डेसन द्वन्द्वकालमा जन्मिएको थियो । अनेक चुनौती पार गर्दै यहाँसम्म आइपुग्दा वयस्क भएको छ ।

यसबीचमा सरकारसँग मिलेर वा भनौँ सरकारसँगको सहकार्यमा दुरदराजसम्म पुगेर त्यहाँको शिक्षाको अवस्था सुधार गर्ने मौका पायौँ । यो आफैँमा उपलब्धिमूलक कार्य हो ।

अहिले आएर देशका नाम कहलिएका, गुणस्तरीय शिक्षा दिने विद्यालयको सूचीमा परेका शैक्षिक संस्थाहरू पनि हाम्रो तालिममा सहभागी हुन चाहना राख्नुहुन्छ । हामीसँग सहकार्य चाहनुहुन्छ यो नै हाम्रो लागि गौरवको विषय हो । 

विद्यालय शिक्षाको विकास कस्तो होस् भन्ने चाहनुहुन्छ ? 

हाम्रो जोड भनेको विद्यालय शिक्षाको विकासका लागि सामुदायिक र निजी दुवै विद्यालयको शैक्षिक गुणस्तर सुधार नै हो ।

हामी चाहान्छौँ कि निजी र सामुदायिक दुवै विद्यालयको शिक्षामा प्रतिस्पर्धा होस् । दुवैले एक अर्कालाई हेरेर गुणस्तर बढाउँदै लैजाऊन् । यही हाम्रो चाहना र लक्ष्य पनि हो ।

NIBLNIBL
प्रकाशित मिति: आइतबार, माघ ८, २०७९  ०९:१६
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC