काठमाडौं । साताको दोस्रो कारोबार दिन सोमबार नेप्से परिसूचक २४.४६ अंकले घटेको छ । नेप्से परिसूचक आइतबारको तुलनामा १.२५ प्रतिशतले घटेर १९३८.७६ बिन्दुमा रोकिएको छ । 

आज एक अर्ब ६७ करोड रुपैयाँको सेयर कारोबार भएको छ । आज २४० धितोपत्रको ४१ लाख २७ लाख २८६ कित्ता सेयर खरिद बिक्री भएको छ ।

आज अजोड इन्स्योरेन्सको सेयर मूल्य ७.३७ प्रतिशतले घटेको छ । त्यस्तै सर्वाधिक रकमको सेयर खरिद–बिक्री रिडी पावर कम्पनीको भएको छ । यो कम्पनीको ३० करोड ८३ लाख रुपैयाँको सेयर खरिद–बिक्री भएको छ । यो कम्पनीको सेयर मूल्य प्रतिकित्ता ४९७ रुपैयाँ ९० पैसा कायम भएको छ ।

शिवम् सिमेन्टको २० करोड २३ लाख रुपैयाँको सेयर खरिद–बिक्री भएको छ ।

आज कारोबारमा आएका सबै समूहको परिसूचक घटेको छ । सर्वाधिक परिसूचक घट्नेमा उत्पादन तथा प्रशोधन समूह रहेको छ । या समूहको परिसूचक २.३७ प्रतिशतले घटेको छ ।