काठमाडौं । चाबहिलस्थित केएल टावरमा मोबाइलको मेगा मेला सुरु भएको छ । दशैं तिहारको अवसर पारेर गरिएको उक्त मोबाइलको मेगा मेलामा जस्तोसुकै बिग्रिएको मोबाइल फोन पनि एक्सचेन्ज गरिने जानकारी दिएको छ । 

मेलामा मोबाइल खरिदकर्तालाई हात खाली नजाने उपहार समेत राखिएको आयोजकको भनाइ छ । जसमा बम्पर उपहार अन्तर्गत एकजनाले आइफोन ८ र अर्कोले मलेसिया र सिंगापुरको टुर लक्की ड्रमार्फत पाउन सक्नेछन् । 

मेलाको उद्घाटन नेपाल एअरलाइन्सका क्याप्टेन तथा सिटिभी मोबाइल ग्रुपका ब्राण्ड एम्बासडर विजय लामाले गरेका थिए । 

मोबाइल खरिदमा ६० प्रतिशतसम्म छुट दिइने आयोजकले बताएको छ । मेलामा मोबाइल खरिद गर्ने ग्राहकले सेल्फीस्टिक, पावर बैंक, मोबाइल, नगद र  बिभिन्न एक्सेसरिज उपहार प्राप्त गर्ने ब्रान्च मेनेजर उर्मिला लामाले बताएकी छिन् । मेला तिहारसम्म संचालन हुने छ ।