काठमाडौं । बैंकहरूले चर्काे रूपमा ब्याजदर बढाएको भन्दै व्यवसायीहरू आन्दोलनमा उत्रिएका छन् ।
कर्जा असुली, लिलाम गर्ने धम्की र बैंकको ब्याजदरमा अस्वभाविक वृद्धि भएको भन्दै शुक्रबार माइतीघर मण्डलमा आन्दोलनमा उत्रिएका हुन् ।
नेपाल उद्योग वाणिज्य संघ काठमाडौंका अध्यक्ष दिनेश श्रेष्ठले राष्ट्र बैंकले ब्याजदर बढाउन लिएको नीति गतल भएको बताए । यो नीतिले उद्योगी र व्यवसायीहरू धरासायी हुने उनको भनाइ छ ।
अहिलेको अर्थतन्त्रका अवस्थालाई देखाएर राष्ट्र बैंकले व्यवसायीहरूलाई व्यवसाय गर्न नसक्ने अवस्था बनाउँदा अर्थतन्त्रमा झन् जटिलता आउन सक्ने आन्दोलनमा उत्रिएका व्यवसायीहरूको भनाइ छ ।
बैंकहरूको ब्याजदर स्थिर हुनपर्ने उनीहरूको माग छ । उद्योगका लागि एक अंकमा बढी हुन नहुने र व्यापारमा एक÷दुई प्रतिशतमात्र थप गरी लगानी योग्य पुँजीको व्यवस्था गर्न पनि माग गरका छन् ।
बैंकहरूले सेवा शुल्क, कर्जा स्वीकृति शुल्क, एल्सी शुल्कमा भएको दोब्बर वृद्धिलाई गत वर्षकै जति लिन पाइने व्यवस्था गर्नुपर्ने उनीहरूको भनाइ छ ।
तस्बिरहरू : सुनिल महर्जन/बाह्रखरी
-1742355287.jpg)
-1742355287.jpg)
-1743164527.jpg)
